Jan 26

Comentariu Kira Mantsu

Catégorie : Habaripirpiruna @ 7:54 pm

Întrevederea ministrului delegat pentru relaţiile cu românii de pretutindeni, Dan Stoenescu, cu preşedintele Academiei Române
Mindueashti România câ easti tu eta 19 cându u minti armânamea ti sinferu shi identitati xeanâ?
Di iu sh-lu lja Academia Românâ ndreptulu tra s-bagâ „pi-aradhâ“/standardidzeadzâ limba armânjiloru ditu Gârtsii? Furâ antribats atselji armânji?
Scutemu ditu icuatsii Arbinishia iu, ti-amârtii, ari ca baia armânji cari sh-u vindurâ pistea shi nâmuzea trâ-ndoi mitilits shi batu cathi oarâ calea la ambasada rumunâ di Tirana i, Bucureshti, la aestu Departamentu cari, câlcânda tuti-ndrepturli internatsionali, stuhinâ suflitlu shi identitatea a unui populu cari s-luyurseashti „ARMÂNU“ shi nu „rumun de pretutindeni!“
Dealihea, România ari ca baia „rumunji de pretutindeni“, tu Basarbia, Ucraina, Sârbii (Timoc), Ungarii… Tora ari shi miliuni tu Italii, Spanii, Amerikii, Frântsii, Ghirmânii…di cari prindi s-aibâ angâtanu! Nu agiundzi? Ama, s-veadi câ trâ noi ari nai ma marli sinferu! Poati shtii ea câ tse… ama noi nu shtimu!
Standardidzari trâ „dialectu“ ?– câ, de, ashi easti luyursitâ limba armâneascâ di Academia Româna! Nu adukimu ghini! Limba a noastâ fu standardidzatâ cându tu Rumunia nu avea ishitâ nitsi unâ yramaticâ, kiola nitsi sh-la alti populi ditu Balcanu, tora „mări“, „pirifani“. Shi, ma-nsusu di tuti, „natsiunali“!
Shi unâ dealihea standardidzari nu va s-hibâ canâoarâ-mplinâ, fârâ armânamea ditu Gârtsii, Arbinishii,Ex Ripublica Iugoslavâ Makidunia shi Rumunia! Ama, aestu easti mashi lucurlu a NOSTRU, a armânjiloru cari nica u zburâmu shi u-nyrâpsimu limba a pâpânjiloru shia strâpâpânjiloru!
Geaba nâ bâgămu nâdia câ tu Rumunia vini unu guvernu nou, cu prezidentu „minoritaru“, cari adusi minishtri tiniri – nu s-alâxi tsiva!
Umuti kirutâ! Amârtii!
KIRA MANTSU
19.01-2016

Une réponse à “Comentariu Kira Mantsu”

  1. pirpiruna a dit :

    Dealihea! Minduieri idhia has a meali. Efharisto!

Laisser une réponse