Oct 07

Ayiu Andoni di la Iezerlu

Catégorie : Habari/NewsEditeur @ 10:04 am
Ayiu Andoni s-amintă la anlu 1628, Ianina, tu unâ fumealj armânească. Pârintsâlji a lui furâ Iani shi Stana. Andoni u clirunumsi zânatea a afen-sui shi si featsi prâmâteftu. Vini Tsara Româneasca la anlu 1648, ta s-adarâ emburlâchi aoa. S-curdisi Râmnicu Vâlcea. S-ansură cu Despina shi avu unu ficioru, Mihali, tsi s-featsi preftu.

Tu anlu 1692, Andoni si-adră caloir/căluyru. Atumtsea apruche numa Andoni. Nu shtim tsi numă avea năinti (vahi eara unâ numâ tsi ahurhea cu yrama A). Andoni avu mirachi si s-ducâ la unu mânâstir di la Ayilu Munti ama dispoti Ilarion nu-lj deadi vluyia sh-lu pitricu la aschitaryiolu Iezerlu (ninga Olăneshti). Andoni s-dusi cu multâ harauă Iezerlu shi aclo mirimitisi aschitaryiolu tsi eara surpatu (Ayilu ufilisi tuts pradzli a lui ti aestu lucru).
            Avândalui mirachi ti ma mari isihie, Andoni apruche (anvârliga di anlu 1700) vluyia ta s-curdisească tu unâ spileauă tu cari nâs adră cu mânjli a lui unâ paraclisi, unu udă ti durnjeari shi unâ groapâ. Pânâ anda aushi, Andoni lucră. Sh-u cunuscu dzuua a moartiljei cu 40 di dzâli năinti. Ufilisi aestu chiro ta si s-andreagâ ti moarti. Muri tu 23-li di brumaru 1720, tu ilichia di 92 di anj. Fu ngrupatu tu groapa tsi sh-u plichisi nâs tu spileauă. Oaminjlji di aradhă lu luyursea Andoni ti Sâmtu. Tu 20-li di cirisharu 1992, Ayiu Andoni fu canonizat. Yiurtusearea a lui s-adarâ tu 23-li di brumar.
Alexandru Gica

Laisser une réponse