\n
![\"matilda\"](\"http:\/\/www.armanami.org\/blog\/wp-content\/uploads\/2016\/03\/matilda.jpg\")
<\/a>U cunuscui Matilda tu brumaru 2001. N\u00e2 apruche n cas\u00e2 nisc\u00e2n\u021b\u00e2 membri di-tu pareia \u201cPilisterlu\u201d ta s-n\u00e2 da urnimii tu tsi mutrea\u0219ti stra\u0144ili cu cari s-i\u0219imu tu migdani. P\u00e2n\u00e2 atum\u021bea u vidzui ma\u0219i di largu. Zbur\u00e2i nisc\u00e2nti ori la tilifoni cu ea. \u00cel\u2019i grii la nisc\u00e2nti andamusi ama can\u00e2oar\u00e2 nu vini. Tu apriru 2002, vidz\u00e2ndalui c\u00e2 si-aproachi dzuua c\u00e2ndu va si-ncl\u2019id\u0103 75 di a\u0144i, \u00eel\u2019i feciu pripunirea si-adaru un\u00e2 carti tr\u00e2 ea, angr\u0103psit\u00e2 di so\u021bil\u2019i a l\u2019ei. Fu sinfun\u0103 \u0219i a\u0219i si-amint\u0103 \u201cCartea di vreari tr\u00e2 Matilda\u201d (cartea alinci tu sumedru 2002). Cartea n\u00e2 apruche multu \u0219i a\u0219i agiumsimu oaspi\u021b.\nTu a\u021bel\u2019i a\u0144i, iluzia ali unimi tu lumea arm\u00e2neasc\u00e2 nica b\u00e2na. Sigura, eara nc\u00e2ceri \u0219i c\u00e2tiyurseri anamisa di doauli \u201cparei\u201d di Arm\u00e2\u0144i di-tu Rom\u00e2nie (a\u021bea \u021bi andrupa idheea c\u00e2 Arm\u00e2\u0144il\u2019i suntu Rom\u00e2\u0144i \u0219i a\u021bea \u021bi dz\u00e2\u021bea c\u00e2 Arm\u00e2\u0144il\u2019i suntu mileti ahoryea), ama oami\u0144il\u2019i nica si urdina unu cu alantu, adyeafuru di minduiarea \u021bi u avea. Radicalizarea tu lumea arm\u00e2neasc\u00e2 di-tu Rom\u00e2nia easti v\u00e2rtoas\u00e2 di-tu 2005, c\u00e2ndu s-fea\u021bi c\u00e2ftarea ca Arm\u00e2\u0144il\u2019i s-hib\u00e2 pricunuscu\u021b ca minoritati na\u021bional\u0103 tu Rom\u00e2nie.
\nUspi\u021b\u00e2l\u2019ea a mea cu Matilda tricu unu chiro greu nihema ma ninti di radicalizarea di-tu 2005. Tu bitisita alu avgustu 2004, Comunitatea Arm\u00e2neasc\u00e2 di-tu Rom\u00e2nia \u00eendreapsi prota edi\u021bie a \u201cDz\u00e2liloru a Cultur\u00e2l\u2019ei Arm\u00e2ne\u0219ti\u201d. Earamu \u0219-mini aclo \u0219i \u021b\u00e2nui un\u00e2 cuvend\u0103 tr\u00e2 cartea alu George Vrana, \u201cParadoxurile ali identitati.\u201d Niheam\u0103 chiro dup\u00e2 \u021bi mi turnai di Custan\u021ba, u c\u00e2ftai Matilda pi tilifoni. Mi v\u00e2ryi multu ti a\u021bea \u021bi s-fea\u021bi Custan\u021ba (ama vahi ma multu angrica a\u021bea c\u00e2 Mtilda mi duchea c\u00e2 hiu tu \u201cpareia\u201d a a\u021biloru Arm\u00e2\u0144i \u021bi s-luyursea mileti ahoryea). Matilda eara multu periery\u0103. Avea mirachi si \u0219tib\u0103 tut \u021bi s-fa\u021bi tu lumea arm\u00e2neasc\u00e2. H\u00e2b\u0103ril\u2019i li apruchea di la turlii-turlii di oami\u0144i. Cu tuti c\u00e2 avea mult\u00e2 ducheari critic\u0103, nisc\u00e2nti ori b\u00e2ga bes\u0103 pi oami\u0144i \u021bi a \u0144ia \u00ee\u0144i p\u00e2rea psef\u021b\u00e2 (h\u00e2barea ti \u021bi s-fea\u021bi Custan\u021ba \u00eel\u2019i vini di la aht\u0103ri oami\u0144i). Nu zbur\u00e2mu atum\u021bea me\u0219i di dz\u00e2li. Prindu C\u00e2rciunu, Matilda mi c\u00e2ft\u0103 s-n\u00e2 l\u2019irt\u0103mu \u0219i s-tri\u021bemu s\u00e2rb\u00e2toarea cu suflitli isihi. Fui multu minatu c\u00e2 \u021be ea eara un\u00e2 leyend\u0103 ama \u0219tea si s-fac\u0103 \u0219i \u0144ic\u0103 atum\u021bea c\u00e2ndu prindea.
\nTu 28-li di yinaru 2005, Matilda zbur\u00e2 la Academia Rom\u00e2n\u0103 ti criza di identitate pritu cari trecu arm\u00e2nil\u2019i. N\u00e2 ghinuim. \u00ce\u0144i p\u0103ru ara\u021bi. \u00ce\u0144i dz\u00e2si ma\u0219i c\u00e2 nu va mi ariseasc\u00e2 \u021bi va s\u00e2 zburasc\u00e2. Tu apriru 2005 Comunitatea Arm\u00e2neasc\u00e2 fea\u021bi c\u00e2ftarea di pricunu\u0219teari a Arm\u00e2\u0144iloru ca minoritati tu Rom\u00e2nie. Ti Matilda fu unu anu multu greu. M\u00e2razea \u0219i nvirinarea u fea\u021bir\u00e2 si-angr\u0103pseasc\u0103 a\u021belu di-tu soni br\u00e2nu (treilu) di poezii a l\u2019ei: \u201cTableti cu \u0144eari \u0219i cu heari\u201d. Aesti poezii fur\u00e2 tipusiti tu cartea \u201cPoeme Arom\u00e2ne\u201d, Matilda Caragiu Mario\u021beanu, Editura Academiei Rom\u00e2ne, Bucure\u0219ti, 2006 (cartea alinci tu bitisita a anlui). Mini aprucheai cartea tu protu di \u0219curtu 2007. Matilda \u00ee\u0144i gri la ea. \u00ce\u0144i deadi cartea \u0219i \u00ee\u0144i dz\u00e2si c\u00e2 hiu \u0219-mini tu carti. \u00ce\u0144i angr\u0103psi \u0219i un\u00e2 dedica\u021bie:
\n\u201cTr\u00e2 Alexandru Gica (Al\u00e9xandhros) \u0219i tr\u00e2 fumeal\u2019ea a lui, cu vreari \u0219i-cu ponu di-tu hicati, Matilda Caragiu Mario\u021beanu.\u201d
\nPoezia tr\u00e2 mini easti la fr\u00e2ndza 293 (tu dedica\u021bie, Matilda angr\u0103psi numa \u201cAl\u00e9xandhros\u201d ta s-hib\u00e2 sigur\u00e2 c\u00e2 va s-duchescu cari easti poezia tr\u00e2 mini).<\/p>\n
Al\u00e9xandhros
\nMatilda Caragiu Mario\u021beanu<\/p>\n
Ti-alumta\u0219i di mi-anichisi\u0219i,
\nAl\u00e9xandhros\u2026
\nLa tu\u021b tini-al\u00e2ga\u0219i,
\nDi tuti ti mini-nvi\u021ba\u0219i
\nAl\u00e9xandhros\u2026<\/p>\n
Cu greu pi cali mi aduse\u0219i
\nAl\u00e9xandhros\u2026
\nTu carti mi scria\u0219i,
\nmu\u0219atu mi cundil\u2019ea\u0219i
\nAl\u00e9xandhros\u2026<\/p>\n
Vrearea ca di mum\u00e2 u-agr\u00e2\u0219i\u0219i
\n\u0219i mintea \u021b-u turna\u0219i,
\ndipu nu ti mindui\u0219i
\nAl\u00e9xandhros\u2026
\nC\u00e2 noi tu\u021b n-al\u00e2sa\u0219i,
\nCu \u0219teari ti-al\u0103xi\u0219i,
\nAl\u00e9xandhros\u2026<\/p>\n
Nicolae Saramandu n\u00e2 avea c\u00e2ftat\u00e2 tu a\u021belu chiro, a \u0144ia \u0219i alu George Vrana, si-angr\u0103psimu nisc\u00e2nti texte ti revista \u201cStudii \u0219i Cercet\u0103ri Lingvistice\u201d tr\u00e2 Matilda, ca un\u00e2 ti\u0144iseari tr\u00e2 yiurtusearea di-tu 20-li di alunaru 2007, c\u00e2ndu Matilda \u00eencl\u2019idea 80 di a\u0144i. Textul alu George \u201cMatilda Caragiu Mario\u021beanu \u2013 poezie \u0219i limb\u0103\u201d zbura \u0219i tr\u00e2 n\u0103ulu br\u00e2nu di poezii angr\u0103psiti di Matilda. Dz\u00e2\u021bea George tu a\u021belu text: \u201cav\u00e2nd \u00een vedere c\u0103 personajele ce fac obiectul acestor poeme ocazionale sunt u\u0219or descifrabile, ar trebui s\u0103 trecem dincolo de anecdotic\u0103 \u0219i s\u0103 c\u0103ut\u0103m arta. Acela\u0219i lucru l-a\u0219 recomanda chiar personajelor \u00een cauz\u0103.\u201d Urnimia alu George mi-agiut\u0103 atum\u021bea. Duchii nvirinari anda ghivasii poemlu. Duchii \u0219i revolt\u0103 c\u00e2 \u021be Matilda nu avea dhichi: mini nu mi aveam al\u0103xit\u0103. Earamu idyiul omu, aveamu idyili idhei. Paraxinu, ama ducheamu \u0219i niheam\u0103 pirifa\u0144i c\u00e2 \u021be Matilda mi hipsi tu unu poemu a l\u2019ei. Cu urnimia alu George tu minti ghiv\u0103sii \u0219i alanti poemi. Nisc\u00e2nti suntu capodoperi. Aduc aminti aoa ma\u0219i poezia \u201cC\u0103r\u021b\u00e2li a meali\u201d \u021bi easti genial\u0103.
\nDitu \u201ctabletili cu heari\u201d s-duchea\u0219ti drama \u021bi u b\u00e2n\u0103 Matilda. Nu putu s\u00e2-l\u2019i achic\u00e2seasc\u00e2 ici a\u021bel\u2019i Arm\u00e2\u0144i \u021bi minduia c\u00e2 suntu mileti ahoryea (cu tut copuslu \u021bi-lu adr\u0103). \u015e-ni\u021bi mul\u021b\u00e2 di ae\u0219\u021ba nu putur\u00e2 si-u achic\u00e2seasc\u00e2 Matilda.
\nNoi Arm\u00e2\u0144il\u2019i himu (nai ma mul\u021b\u00e2 di noi) oami\u0144i cu \u0219ubei. Minduim ti alantu c\u00e2 ari v\u00e2r\u00e2 sinferu, c\u00e2 nu easti chischinu. Himu un\u00e2 mileti di oami\u0144i singuri.<\/p>\n
Un\u00e2 thimiseari cu Matilda. Earamu un\u00e2 oar\u00e2 di dzuua a l\u2019ei, 20-li di alunaru, acas\u00e2 la ea cu Zoe (Ciona) Geac\u0103. Vini shi Doru Vasile Ionescu \u021bi fu \u0219ef la Radio Rom\u00e2nia Interna\u021bional (\u0219i Secretar de Stat la Departamentul ti Rom\u00e2\u0144il\u2019i di pisti Tut). Matilda n\u00e2 p\u00e2r\u00e2st\u00e2si cu unu sumar\u00e2su alu Ionescu: \u201cae\u0219ti doil\u2019i suntu eh\u021bri a mei\u201d. Zoe avu un\u00e2 fotisi tu a\u021belu sticu di oar\u00e2 \u0219i dz\u00e2si: \u201chimu eh\u021bri \u021bi ti voru\u201d. Matilda sum\u00e2r\u00e2si iara. U arisi expresia \u0219i u dz\u00e2si iara: \u201ceh\u021bri \u021bi mi voru.\u201d<\/p>\n
\u201cPo\u021b s-hii so\u021bu cu unu omu \u021bi minduia\u0219ti alt\u00e2 turlie di tini?\u201d E, s-poati, ama easti multu zori. Lipse\u0219ti s-hii ndilicatu s-nu lu-agude\u0219ti alantu ama ni\u021bi s-nu aru\u021b nan\u00e2parti c\u00e2nd\u00e2seril\u2019i a tali. Angreac\u00e2 un\u00e2 idhee ma multu di su\u021bata cu unu omu? Nu \u0219tiu si-ap\u00e2nd\u00e2sescu la aest\u00e2 antribari.<\/p>\n
Dorlu di Matilda. Matilda eara multu mu\u0219at\u00e2. C\u00e2ndu i\u0219ea tu migdani, ic\u0103 apruchea oaspi\u021b, si-andridzea c\u00e2tu cama ghini. Avea ang\u00e2tanu ti cum si-aspunea tu lumi. Mu\u0219utea\u021ba si-ampiltea la ea cu pirifa\u0144ea \u0219-cu duchearea esthetic\u0103. Avea \u0219i instinctu di theatrin\u0103. S-minduia la moarti \u0219i d\u00e2dea a so\u021bloru \u0144i\u021b dhoar\u00e2 ta si-u aduc\u00e2 aminti tu chirolu c\u00e2ndu nu va s-mata hib\u00e2.<\/p>\n
\u00ce\u0144i si fa\u021bi doru nisc\u00e2nti ori di Matilda \u0219i atum\u021bea caftu i\u021bi toru \u0144i-armasi di la ea.<\/p>\n
Alexandru Gica.
\n11-li di mar\u021bu 2011.<\/p>\n","protected":false},"excerpt":{"rendered":"
\u201cSuflitlu a meu ari a lui mistico, bana a mea ari a l\u2019ei mistiryiu.\u201d Felix Arvers. V\u00e2 pitrecu aest\u00e2 \u0219curt\u00e2 isturie cu mini \u0219i Matilda cu elpidha c\u00e2 va s-aib\u00e2 h\u0103iri ti a\u021bel\u2019i \u021bi minduescu la uspi\u021b\u00e2l\u2019ie \u0219i la cheadi\u021bl\u2019i a l\u2019ei, la zorea ta si-u \u021b\u00e2ni tu ban\u00e2 su\u021bata cu unu omu. Angr\u0103psii aestu […]<\/p>\n","protected":false},"author":4,"featured_media":0,"comment_status":"open","ping_status":"open","sticky":false,"template":"","format":"standard","meta":{"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"footnotes":""},"categories":[7],"tags":[],"class_list":["post-785","post","type-post","status-publish","format-standard","hentry","category-minduiri"],"yoast_head":"\n