Tru un\u00e2 cuvend? di ma ninti, dz\u00e2tseamu c\u00e2 zborlu \u00ab\u00a0makedonu\u00a0\u00bb, (tsi zugr\u00e2psea ditu kirolu alu Alexandru unu populu di picurari, tsi b\u00e2na maxusu tru munti sh tritsea un\u00e2 ban? al\u00e2csitoari di locu\/migratoari), lu afl?mu p\u00e2n\u00e2 tu eta 11, ligatu di dinastia \/ fumealjia Makedonjiloru (867 \u2013 1056).<\/p>\n
Atselu cari b\u00e2g? thimeljilu alishtei dinastii, fu Vasili Protlu cari agiumsi amir? tru anlu 867.<\/p>\n
Sinferlu a nostru ahoryia ti aiestu amir? vini dupu tsi adyiv\u00e2simu c\u00e2 desi numa di prota, sumu cari fu c\u00e2n\u00e2scutu, eara di \u201cVasili Makedonlu\u201d, s-pari c\u00e2 ar\u00e2zga lui dealithea s-tradzi ditu un\u00e2 fumealji di v\u00e2siljeadz armeni (ditu Armenia).<\/p>\n
Ninti s-ahurhescu s-dizv\u00e2rtescu lunga cali, ninga nibitisit\u00e2, tru cari f\u00e2r\u00e2 s-voi intraiu, prindi s-dz\u00e2cu c\u00e2 di cumu \u00e2nj intrar\u00e2 tru minti dauli zboar\u00e2 di cari adushu aminti ma-ndzean\u00e2, \u00ab\u00a0makedonu\u00a0\u00bb sh \u00ab\u00a0armeanu\u00a0\u00bb, dauli ligati di unu singuru omu, un\u00e2 pust\u00e2 di hirbeari nu mi al\u00e2sa ar\u00e2hati.<\/p>\n
Cumu potu s-shead\u00e2 deadunu dau\u00e2 zboar\u00e2 cari suntu ah\u00e2ntu alargu, ma s- minduimu la orighini, la kiro, la locu\u00a0?<\/p>\n
Cu aiest\u00e2 minduiari ahurhiiu s-caftu tutu tsi s-anyr\u00e2psi ti Vasili Protlu sh ti dinastia \/ fumealjia a lui.<\/p>\n
<\/p>\n
Ma multu di tihi, c\u00e2ft?rli a meali s-d\u00e2n\u00e2sir\u00e2 pi unu isturianu di Yalii \/ Fr\u00e2ntsii, cu numa di Albert Vogt, tsi anyr\u00e2psi la 1908 \u201cBasile I-er, Empereur de Byzance 867 \u2013 886 et La Civilisation Byzantine \u00e0 la fin du IXe si\u00e8cle<\/em>\u201d tipusit? Paris, tru Librairie Alphonse Picard et Fils.<\/p>\n Albert Vogt anvits? sumu cum\u00e2nd\u00e2searea pedayogic\u00e2 alu Charles Diehl (1859-1944) sh Alfred Nicolas Rambaud (1842-1905), doi di naima m?rlji profesori cari anyr\u00e2psir\u00e2 ti Byzantsu sh-ti etili ditu mesi.<\/p>\n Ditu cartea tsi-u deadimu ca num\u00e2 ma ninti sh cari fatsi ti prota oar\u00e2 un\u00e2 pirmituseari complet\u00e2 a et\u00e2ljei c\u00e2ndu b\u00e2n? Vasili Protlu, sinferlu a nostru tora di oar\u00e2 s-aplic? ma multu pi informatsiili tsi mutrescu orighinea sh bana alushtui amir?.<\/p>\n Informatsiili cari li anyr\u00e2pseashti Albert Vogt yinu ti aiest\u00e2 parti di la nipotlu alu Vasili, Constantin VII \u00a0Porphyrogenetlu (905-959) cari anyr\u00e2psi ti bana a pap-su-lj sh ti cumu eara andreapt\u00e2 amir\u00e2riljia byzantin\u00e2 tu atselu kiro. S-dz\u00e2tsi di Constantin VII \u00a0Porphyrogenetlu c\u00e2 fu unu amir? intelectualu, istorianu, artistu sh anyr\u00e2psitoru\/literatoru.<\/p>\n Tsi lomu noi tu isapi tu studiulu a nostru fur\u00e2 dau\u00e2 c?rts\u00e2 \u201cBana alu Vasili\/Vie de Basile\u201d sh \u201cDe Administrando imperio\u201d, iu pistipsimu noi c\u00e2 s-afl\u00e2 informatsiili di naima mari simasii ti tema tsi n\u00e2 dishtipt? sinferlu.<\/p>\n Albert Vogt anyr\u00e2pseashti c? Vasili s-amint? tu Makedonii, f\u00e2r? s-da unu locu, la anlu 811 ic\u00e2 812, tu un\u00e2 fumealji di huryeats tsi va s-dz\u00e2c\u00e2 oaminji di la hoar\u00e2. Loclu a lui di amintari \u00e2lj deadi ma am\u00e2natu, c\u00e2ndu agiumsi amir?, numa di Vasili Makedonlu, di iu sh numa a dinastiljei \/ fumealjei di amiradz cari vini dupu elu p\u00e2n\u00e2 la anlu 1056, c\u00e2ndu muri atsea ditu soni v\u00e2siljoanji di idyea ar\u00e2zg\u00e2\/di idyiulu osu (Th\u00e9odora Porphyrog\u00e9n\u00e9te 980-1056).<\/p>\n Iara f\u00e2r\u00e2 alt\u00e2 exiyisi, dz\u00e2tsi c\u00e2 la 813, ti itia polimlui cari-lu purt? unu v\u00e2silje v\u00e2rgaru \u00a0Krum, contra Byzantsului, fumealjia alu Vasili, cari s-afla tu m\u00e2h\u00e2ladzlji deanv\u00e2rliga di Andrinopoli, fu loat\u00e2 deadunu cu alts\u00e2 10000-12000 di b\u00e2rbats f\u00e2r\u00e2 s-misur\u00e2 muljerli sh ficiuritslji, sh fur\u00e2 adushi tu V\u00e2ry\u00e2ria ditu atselu kiro, iuva nu multu alargu di Preslav, \u00a0iu eara loclu iu b\u00e2na sh cum\u00e2nd\u00e2sea v\u00e2siljelu v\u00e2ryaru ic\u00e2 \u00a0poati ninga Dun\u00e2, tu loclu iu adz\u00e2 easti Silistra (Cadrilateru). Aiest\u00e2 ditu soni minduiari, dz\u00e2tsi Vogt, vini ti itia c\u00e2 adutsearea makedonjloru s-featsi cu c\u00e2r?yili. Ma s-hib\u00e2 dealithea aiest\u00e2 ipotez\u00e2, ti ciudii sh t\u00e2xirati ti makedonji s-agiung\u00e2 ninti di oar\u00e2 (\u201cavant l\u2019heure\u201d) tu idyiulu Cadrilateru, iu dupu altu polimu (1912\/1913), ama ti alt\u00e2 itii, fur\u00e2 colonidzats\/mutats p\u00e2rints\u00e2lji a noshts\u00e2 arm\u00e2nji, a curi l\u00e2 si dz\u00e2tsea tutu \u00ab\u00a0makedonji\u00a0\u00bb. Ma undzearea tsi iasi tru miydani tu aiest\u00e2 minduiari nu s-d\u00e2n\u00e2seashti mash aua. Cumu va videmu ma-alargu.<\/p>\n Vasili eara tu atselu kiro ninga tu culpani. Fumealjia lui sh alants\u00e2 makedonji ic\u00e2 trakianji b\u00e2na tu hoari deadunu sh armasir\u00e2 tu locurli atseali ma multu di yinyits anji.<\/p>\n Aua b\u00e2n? Vasili sh fumealjia lui iu s-amintar\u00e2 ma mults\u00e2 frats sh surori, ditu cari elu eara naima marli. S-pari c\u00e2 nu-lj vigljea canu sh b\u00e2na deadunu, acshi cumu b\u00e2na sh tu Makedonii. Vasili criscu f\u00e2r\u00e2 sculii, cumu crishtea sh-alants\u00e2 ficiurits v\u00e2ryari, mashi cu urnipsearea p\u00e2rinteasc\u00e2 sh-cu praxea cari u loa di la ma tricutslji a hoar\u00e2ljei. Albert Vogt dz\u00e2tsi c\u00e2 fendu-su alu Vasili muri c\u00e2ndu elu avea 15-17 di anji shi, cumu eara adetea, atselu ma marli di ficiori \u00e2lj loa loclu.<\/p>\n Nu shtimu tsi lucru f\u00e2tsea Makedonjlji tu atselu locu sh nitsi cumu sh-tritsea bana. Tsi shtimu easti c\u00e2 Vasili sh-alants\u00e2 Makedonji armasir\u00e2 aclo p\u00e2n\u00e2 c\u00e2ndu elu umplu ilikia di 25 di anji. F\u00e2r\u00e2 di alt\u00e2, cumu b\u00e2na deadunu ca di totna, nu-shi kirur\u00e2 ni limba ni adetsli, sh vrearea ti turnari-lj frimta tuts.<\/p>\n S\u00e2 spuni c\u00e2 Makedonjilji, \u00e2n capu cu doi b\u00e2rbats di mari curagiu, cu numa di Kordyles sh Tzantzes, s-b\u00e2tur\u00e2 cu v\u00e2ryarlji cari eara andrup\u00e2ts di unguri sh lj-an\u00e2kisir\u00e2. S-turnar\u00e2 tuts tu Makedonii, iu Tzantzes fu durusitu cu titlu di strategu\/gheneralu\/cum\u00e2ndisitoru a Makedoniljei.<\/p>\n Dupu tsi s-turn? tu Makedonii, unu kiro lucr? ti Tzantzes ama nu aminta c\u00e2tu lipsea sh-ts\u00e2n\u00e2 fumealjia sh atumtsea lo apofasea s-duc? Constantinopol. Vogt dz\u00e2tsi c\u00e2-lj fu multu greu s-dispart\u00e2 di fumealjia lui, ama nu u ag\u00e2rshi v\u00e2r\u00e2 oar\u00e2 sh dipriun\u00e2, c\u00e2tu b\u00e2n?, l\u00e2 pitritsea tuti tsi avea ananghi.<\/p>\n Va n\u00e2 d\u00e2n\u00e2simu aoa cu epopeia alu Vasili sh va n\u00e2 turn?mu niheam\u00e2 la tsi anyr\u00e2pseashti Constantin VII Porphyrogenetlu ti ar\u00e2zga a fumealjei a pap-su-lj.<\/p>\n Elu dz\u00e2tsi c\u00e2 ar\u00e2zga loru dealithea easti di la Philip II sh Alexandru Makedon sh aiest\u00e2 ar\u00e2zg\u00e2 fu totna nsusu ts\u00e2nut\u00e2 di tuts amiradzlji cari ishir\u00e2 ditu aiest\u00e2 fumealji. Siyura c\u00e2 putemu s-lomu aiest\u00e2 apofasi ca hiindalui zborlu di \u201car\u00e2zg\u00e2 dila populu alu Philip II sh Alexandru Makedon\u201d, acshi cumu sh adz\u00e2 ninga mults\u00e2 di Arm\u00e2nji minduiescu c\u00e2 ar\u00e2zga loru easti di la Alexandru sh populu makedoneanu.<\/p>\n Easti intirisantu ti anyr\u00e2pseari c\u00e2 aiest\u00e2 pistipseari u avur\u00e2 tuts amiradzlji cari ishir\u00e2 ditu aiest\u00e2 fumealji.<\/p>\n Multu kiro dupu Vasili Protlu, Vasili II Bulgaroctonlu (958 \u2013 1025) avu un\u00e2 sor\u00e2 Ana cari u m\u00e2rt? cu Vladimir (958 \u2013 1015), v\u00e2siljelu di Kiev. Un\u00e2 nipoat\u00e2 Ana Iaroslava s-m\u00e2rt?\u00a0 cu Henri I ali Fr\u00e2ntsii cu cari avu unu ficioru cari lu p\u00e2tidzar\u00e2 Philip, tr\u00e2 adutsearea aminti alu Philip II Makedonlu, str\u00e2paplu a fumealjei ditu cari-sh tr\u00e2dzea z\u00e2rtsina. Eara ti prota oar\u00e2 c\u00e2ndu tu Y\u00e2lii\/Fr\u00e2ntsii s-amint? unu ficiuricu tsi fu p\u00e2tidzatu Philip.<\/p>\n Easti iara intirisantu ti anyr\u00e2pseari c\u00e2 cronitsli slavoni (Cronica alu Nestor \u2013 1116?) cari anyr\u00e2psescu ti Ana Porphyrogeneta cumu u zugr\u00e2psescu, easti adus\u00e2 aminti ca \u201cmakedonski\u201d tsi va s-dz\u00e2c\u00e2 c\u00e2 yini ditu dinastia \/ fumealjia makedon\u00e2.<\/p>\n Ma s-eara zborlu mash di ar\u00e2zga \u201cmakedon\u00e2\u201d cari n\u00e2-u anyr\u00e2pseashti Constantin VII Porphyrogenetlu, isturia a mea va s-d\u00e2n\u00e2sea aoa.<\/p>\n Ama nu fu s-hib\u00e2 acshi!<\/p>\n Amir?lu Vasili Protlu nu fu ici unu omu ca tuts alants\u00e2. Ac\u00e2 f\u00e2r\u00e2 sculii sh f\u00e2r\u00e2 carti\u00a0 (nu shtea s-adyiv\u00e2seasc\u00e2 nitsi s-anyr\u00e2pseasc\u00e2) elu agiumsi amir? tu ilikia di 55 di anji.<\/p>\n Cumu anyr\u00e2pseamu ma ninti dupu tsi lucr? unu kiro sumu cum\u00e2nd\u00e2searea alu Tzantzes, cari eara strateglu a Makedoniljei, lo apofasea s-duc\u00e2 Constantinopol, iu minduia c\u00e2 va poat\u00e2 s-amint\u00e2 ma lishoru bana ti elu sh ti fumealjia lui cari avea armas\u00e2 acas\u00e2, tu Makedonii.<\/p>\n S-dz\u00e2tsi ti elu c\u00e2 eara unu b\u00e2rbatu analtu ca bradlu, cu percea neali-neali, cu mult\u00e2 cuveti, intelighentu sh multu sertu. Tsi shtea ma ghini eara s-aib\u00e2 ang\u00e2tanu calji, sh-acshi lu-adusi tihea s-lucreadz\u00e2 ti unu omu multu avutu, cu numa-lj\u00a0 Theophylitzes.<\/p>\n Tu kirolu atselu amir? eara Mihali III, hiljiulu alu Theophil sh Theodora. Putearea dealithea u avea Bardas, frati ali Theodor\u00e2 cari purta numa di Cezar, cata cumu tu amir\u00e2ria roman\u00e2.<\/p>\n Antigon, unu hiljiu di-alu Bardas avea andreapta un\u00e2 meas\u00e2 cu gimbushi cari s-bitisea totna cu alumti iu tiniri cu cuveti c\u00e2fta gloria sh paradzlji tsi yinea diun\u00e2oar\u00e2 cu ea. Ti kirolu di cari zbur\u00e2mu tora, la gimbushi eara c\u00e2lisits sh alumt\u00e2tori v\u00e2ryari cari, di multu kiro, eara cunuscuts tu Byzantsu, ca oaminji cari v\u00e2rnu nu l\u00e2 u putea. Maxusu eara unu cari nu avea v\u00e2r\u00e2 su-lu surp\u00e2, ah\u00e2nta eara di sarpu. Cumu la gimbushi eara c\u00e2lisitu sh afendicolu alu Vasili, Theophylitzes, aestu l\u00e2 dz\u00e2si c\u00e2 ari elu unu tiniru tsi nu lj-u poati v\u00e2r\u00e2, nitsi v\u00e2ryarljii.<\/p>\n Ti Vasili fu prota poart\u00e2 tsi-lj si dishcljisi calea c\u00e2t\u00e2 aveari. V\u00e2ryarlu vru s-lu mut\u00e2 sh s-lu da di padi, ama Vasili armasi ca gurguilju di keatr\u00e2, al\u00e2kitu di locu. Dupu aiest\u00e2, Vasili s-ascumbusi, lu mut? v\u00e2ryarlu p\u00e2n\u00e2 pisti capu sh lu-arc? mpadi di iu v\u00e2ryarlu nu mata s-mut?.<\/p>\n Aiest\u00e2 fu duri ta s-adar\u00e2 un\u00e2 mari entipusi tu mintea Cezarlui cari-lj gri s-lucreadz\u00e2 ti elu. Ti Vasili fu intrata tu fumealjia amir?lui.<\/p>\n Un\u00e2 dzuu\u00e2, Mihali III ancup\u00e2r? unu calu tsi vru s-lu ancalic\u00e2, ama callu fu ah\u00e2ntu di ayru, c\u00e2 nu putu canu s-lu ts\u00e2n\u00e2. C\u00e2ndu amir?lu dz\u00e2si c? va s\u00e2-lj talji cicioarli di din\u00e2poi, Vasili c\u00e2ft? s-lu-ancalic\u00e2. Cu mari m\u00e2sturl\u00e2ki alin? \u00a0callu, tsi lu-ascult? fronimu, acshi cumu cu 12 di eti ma ninti Alexandru Makedon, di la cari dz\u00e2tsea c\u00e2 s-tradzi, adr? cu Bucefal.<\/p>\n Acshi agiumsi Vasili di lucra tu ahurea amir?lui. Eara la anlu 856, sh-avea ilikia di 44 di anji.<\/p>\n Dupu unu kiro, la un\u00e2 kiniyi\/avinari, la cari Vasili purta bastonea amir\u00e2reasc\u00e2, unu lupu ishi din\u00e2cali shi s-hiumusi c\u00e2t\u00e2 amir?. Cu curagiu sh f\u00e2r\u00e2 s-minduiasc\u00e2 ici, cu cuvetea-lj c\u00e2n\u00e2scut\u00e2, Vasili \u00e2lj crip? caplu \u00a0a luplui cu bastonea-lj amir\u00e2reasc\u00e2, sh de-atumtsea, aprukearea lui di amir? nu mata putu s-hib\u00e2 curmat\u00e2.<\/p>\n Dupu ninga dzatsi anji cari tricur\u00e2, s-dz\u00e2tsi c\u00e2 Vasili fu atselu cari\u00a0 lu c\u00e2nd\u00e2si amir?lu s-lu vat\u00e2m\u00e2 Cezarlu Bardas, sh ti itia c\u00e2 lu-avea adrat\u00e2 s-pistipseasc\u00e2 c\u00e2 asc\u00e2p? di unu mari dushmanu, amint? tesea di co-amir?.<\/p>\n P\u00e2n\u00e2 tu soni s-dz\u00e2tsi c\u00e2 tutu elu fu atselu cari andreapsi v\u00e2t\u00e2marea amir?lui Mihali III sh la anlu 867 agiumsi amir?lu a Bizantsului, c\u00e2ndu b\u00e2g? thimeljilu a dinastiljei Makedoni.<\/p>\n Vasili fu la cum\u00e2nd\u00e2searea Byzantsului kiro di 19 di anji, c\u00e2ndu spusi c\u00e2 easti unu omu multu mintimenu, cari shtii s-ts\u00e2n\u00e2 ekilibrulu cu lucurlu, cu paradzlji, cu putearea, cu pistea. Ac\u00e2 fu f\u00e2r\u00e2 carti, fu unu mari amir? tsi b\u00e2g? pi cali amir\u00e2ria tsi fu thimeljlu la Europa cari amint? p\u00e2n\u00e2 adz\u00e2.<\/p>\n Ti h?rli tsi li avu aiestu amir? sh ti tsi amint? Byzantslu tu kirolu alu Vasili va s-anyr\u00e2psimu alt\u00e2 oar\u00e2.<\/p>\n Tora vremu mash s-arc?mu un\u00e2 mutrit\u00e2 ti soia cumu lu vidzur\u00e2 cronicarlji cari anyr\u00e2psir\u00e2 ti elu dupu Constantin VII Porphyrogenetlu.<\/p>\n Albert Vogt adutsi aminti di Continuarea la Theophanes (961), Yioryi Caluyarlu (948), Leon Yr\u00e2m\u00e2ticlu (948), Symeon Magister (975) sh Georgios Kedrenus (1124?).<\/p>\n Aistu ditu soni adutsi un\u00e2 theorii cari easti ti noi di mari simasii. Nu c\u00e2 easti dealithea, ama tamam c\u00e2 poati s-n\u00e2 aduc\u00e2 un\u00e2 multu important\u00e2 apandisi la un\u00e2 antribari cari n\u00e2 frimit\u00e2 di multu kiro.<\/p>\n Kedrenos, \u00a0cumu sh alts\u00e2 cronicari, ama cu ma pts\u00e2ni detalii, anyr\u00e2pseashti c\u00e2 Vasili Protlu sh tut\u00e2 dinastia \/ fumealjia Makedonjloru pari c\u00e2 easti di ar\u00e2zg\u00e2 \u201carmean\u00e2\u201d .<\/p>\n Ia tsi dz\u00e2tsi Kedrenos:<\/p>\n \u201cVasili s-amint? tu Makedonii, ama elu eara di ar\u00e2zg\u00e2 armean\u00e2, sh ma multu, eara amintatu tu un\u00e2 fumealji multu cunuscut\u00e2 a Arsacizloru, cari au dat\u00e2 v\u00e2siljeadz la Parts\u00e2, Medz\u00e2 sh Armeanji… Atselu ditu soni v\u00e2silje, Artaban, kiru putearea sh vini cu frati-su Klienis, s-ascund\u00e2 tu Byzantsu, iu eara amir? Leon atselu Marli. Aiestu lj-apruke ghini sh l\u00e2 featsi tinjia di lj-ap\u00e2nyisi tu p\u00e2latea lui. Afl\u00e2ndalui, v\u00e2siljelu a Pershloru, cari lu- avea b\u00e2tut\u00e2 Artaban, lj-anyr\u00e2psi s-toarn\u00e2 c\u00e2 pali va-lj bag\u00e2 s-hib\u00e2 v\u00e2siljedz pisti Armeanji. Cumu s-minduia tsi s-adar\u00e2 sh avdz\u00e2 amir?lu Leon, lj-ari mutat\u00e2 tu unu c\u00e2s\u00e2b? ditu Makedonii cu numa di Nike.<\/em><\/p>\n Deapoaia cumu v\u00e2silia persan\u00e2 fu b\u00e2tut\u00e2 di araghi (651 dH), cum\u00e2nd\u00e2searea arab\u00e2 c\u00e2lisi dizn?u armeanjlji s-yin\u00e2 n\u00e2poi tu Apirit\u00e2. Cumu Heraclius tsi eara sh elu di ar\u00e2zg\u00e2 armeanu, ditu fumealjia arsacizloru, avdz\u00e2 sh elu di aiest\u00e2 acljimari sh nu vrea s-kear\u00e2 aieshts\u00e2 armeanji, lj-adusi prota tu c\u00e2s\u00e2b?lu Philipes ditu Makedonii sh ma n\u00e2poi Andrinopoli iu l\u00e2 si p\u00e2ru ma ghini, ama f\u00e2r\u00e2 ta s-minteasc\u00e2 cu dunjeaua autohton\u00e2<\/em>.\u201d<\/p>\n Un\u00e2 analiz\u00e2 ah\u00e2ndoas\u00e2 la tsi pirmituseashti Kedrenos ascoati tu miydani multi alathusi, maxusu chronoloyitsi. Prota, s\u00e2 shtii tora c\u00e2 Arsacizlji fur\u00e2 v\u00e2siljadz tu Armenia di la anlu 250 ndH p\u00e2n\u00e2 la 225 dH. Artaban V fu v\u00e2t\u00e2matu tu polimu sh nu s-c\u00e2noashti desi avu v\u00e2r\u00e2 frati. Leon Protlu (c\u00e2 di elu easti zborlu) fu amir? la 457-474 dH sh Heraclius fu amir? la 610 \u2013 641 dH. Vasili s-amint? la 812. Cumu s-pistipseshts\u00e2 c\u00e2 v\u00e2r\u00e2 ditu Arsacizi dila anlu 225 dH agiumsi t\u00e2shi dupu ma multu di 200 di anji tu Byzantsu, sh dupu ninga 150 di anji Heraclius (cari eara mortu la 651 dH) lj-ari mutat\u00e2 Andrinopoli, iu dupu alts\u00e2 200 di anji s-amint? Vasili cari pistipsea c\u00e2 ari ar\u00e2zg\u00e2 makedon\u00e2?<\/p>\n Ta s-nu adr?mu v\u00e2r\u00e2 alathusi tru analiza noastr\u00e2 neasimu sh mutrimu la tuts isturianjlji armeanji, tsi putum s-lj-afl?mu. Suntu isturianji di mari autoritati cumu Mo\u00efse de Khorene (410 \u2013 490 dH) , Arisdagues de Lasdiverd (1000 ? \u2013 1071 dH), S\u00e9b\u00e9os (645 dH). Iuva nu s-adutsi aminti di ar\u00e2zga armean\u00e2 alu Heraclius (S\u00e9b\u00e9os) ic\u00e2 alu Vasili Protlu ic\u00e2 tuts atselji tsi fur\u00e2 dupu elu, ac\u00e2 Arisdagues de Lasdiverd anyr\u00e2psi multu ti amiradzlji ditu dinastia makedon\u00e2 sh maxusu ti Vasili II Bulgaroctonlu. Neasimu ninti cu c\u00e2ftarea noast? sh-antrib?mu unu mari numiru di armeanji cari b\u00e2neadz\u00e2 tu Europa sh SUA. Tuts n\u00e2 dz\u00e2sir\u00e2 idyiulu mesagiu. Dupu elji nu s-ari avdz\u00e2t\u00e2 v\u00e2r\u00e2 oar\u00e2 ca unu armeanu sh-kiar\u00e2 identitelu sh nu c\u00e2noscu ca v\u00e2r\u00e2 armeanu s-agiung\u00e2 tu tesea \/ clasa social\u00e2 ah\u00e2ntu di-nghiosu, cumu pari c\u00e2 fu Vasili. Sh ca un\u00e2 observatsiuni ditu soni, un\u00e2 paradiym\u00e2 multu sughestiv\u00e2 : cu pts\u00e2nu kiro ninti di Vasili Protlu fu amir? Leon Armeanlu cari nu sh-avea ag\u00e2rshit\u00e2 ar\u00e2zga, acshi cumu ishishi Kedrenos dz\u00e2tsi, ti itia c\u00e2 armeanjlji nu para s-mintea cu alanti milets.<\/p>\n Easti limbidu c\u00e2 tut\u00e2 isturia easti alathusi ic\u00e2 pirmithu.<\/p>\n Ama, dupu tsi ljiai tu isapi tuti minduierli, un\u00e2 antribari nu ts\u00e2 da ar\u00e2hati. Di iu vini aiest\u00e2 theorii cu ar\u00e2zga \u201carmean\u00e2\u201d.<\/p>\n Lipseashti s-n\u00e2 turn?mu niheam\u00e2 la Albert Vogt sh Constantin VII Porphyrogenetlu. Tu \u201cBana alu Vasili\u201d (cap XII, 244) Constantin VII Porphyrogenetlu dz\u00e2tsi c\u00e2 Vasili, tiniru agiumtu Constantinopolu s-avea ligat\u00e2 sotsu cu unu patricianu cu numa di Constantin, fendi alu Thoma, cari b\u00e2na tu kirolu alu Constantin VII Porphyrogenetlu, ti itia c\u00e2 eara doilji di idyia ar\u00e2zg\u00e2 \u201carmenios\u201d, tsi va s-dz\u00e2c\u00e2 tu limba greac\u00e2 \u201carmeni\u201d. Ma-nclo nitsi unu altu zboru cari-s-pitreac\u00e2 la aiestu populu, ni iu b\u00e2neadz\u00e2, ni di iu s-tragu, ni cumu agiumsir\u00e2 tu Makidonii.<\/p>\n Prindi s-dz\u00e2tsemu c\u00e2 nu s\u00e2 shtiu ma multi ti patricianlu Constantin sh Thoma, nafoara di tsi adutsi aminti Constantin VII Porphyrogenetlu tu capitolu di ma-ndzean\u00e2.<\/p>\n Defturlu locu iu Constantin VII Porphyrogenetlu adutsi aminti di zborlu \u201carmenios\u201d iasti atumtsea c\u00e2ndu azburashti ti unu sotsu alu Valisi Protlu cu numa di Stilianos Zaoutz\u00e9s, cari agiumsi omlu cu naima mari puteari pi ninga Amir?. Stilianos Zaoutz\u00e9s di cari Costantin VII Porpyrogenetlu dz\u00e2tsi c\u00e2 easti \u201carmenios\u201d di idyea ar\u00e2zg\u00e2 ca pap-su, easti afendi ali Zoe, m\u00e2rtat\u00e2 cu Leon VI di cari s-amint? Constantin VII Porphyrogenetlu.<\/p>\n Cu aiesti dau\u00e2 numi ditu soni, n\u00e2 si pari c\u00e2 alathusea cu ar\u00e2zga alu Vasili Protlu s-limbidzashti tut\u00e2. Ca un\u00e2 p\u00e2r\u00e2tirisiri\/observastii, numili \u201cConstantin\u201d sh \u201cThomas\u201d cumu sh \u201cVasili\u201d nu para eara ufilisiti la armeni, aca eara sh-elji crishtini. Cu ah\u00e2ntu ma pts\u00e2nu numili\u00a0 Stilianos sh Zoe cari, dupu shtearea noastr\u00e2, li-afl?mu adz\u00e2 sh maxusu tu atselu kiro la Grets sh la Makedonji\/Arm\u00e2nji. Un\u00e2 c\u00e2ftari ti numili sh patronumili ufilisiti di Armenji n-adutsi apofasea c\u00e2 minduiarea noastr\u00e2 easti dealithea. D?mu ma-nghiosu ndau\u00e2 di locurli iu putemu s-adyiv\u00e2simu numili sh patronumili ufilisiti la Armenji:<\/p>\n http:\/\/www.netarmenie.com\/religion\/annexes\/prenom.php<\/a><\/p>\n http:\/\/fr.wikipedia.org\/wiki\/Liste_des_pr\u00e9noms_arm\u00e9niens_masculins<\/a><\/p>\n