di Custandini (Dini) Trand<\/p>\n
Ore \u2018nji dzasi dada di ahantu chiro s’negu s’ved horili dit Makidunii…<\/p>\n
Dupa vara trei dzali di cali agiunsh tu una hoara ashtirata pi una dzeana di munti…<\/p>\n
Muntream n’astanga…n’andreapta …nu videam var lai omu…hoara dip far di oaminji…Ore, iu s’hiba aici oaminji dzash mini tu mintea meau..?<\/p>\n
Ma nitsi nu bitisii minduita ca vidzui cata bitisita di cali una moashi. Shidea\u00a0 mardzina di cali sh’ canda mutrea cata dzeana di munti.<\/p>\n
-O la muma ! grii mini, iu sunt oaminjilji? Catse hoara easti goala?<\/p>\n
-Cuu, lai ficioru ali mumi \u00a0\u2018nj gri nasa cu ocljilji anlacramats, ia, shedu aua n’cali di cama di dau njilji di anji sh’ tut ashteptu nicuchirilji dit hoara si’s-toarna dit munti.<\/p>\n
Cand avdzai, dzashu tu mintea meau ca vahi easti fudzita di minti…Ea canda nj’achicasi minduiarea sh’dzasi ninga unoara , cu boatsea ma sanatoasa<\/p>\n
-Di cama di dau njilji di anji fudzira tuts tu munti sh’ mi alasara mini s’mutrescu hoara.<\/p>\n
-Ama tsi cafta tu munti di ahants anji? antribai mini cu multa nipistupseari.<\/p>\n
-Cuuu, lai curbani muma! S’dusira sh’ mi alasara …ma capsi s\u2019dzaca alti zboara ca lji si \u2018nicara tu gurmadzu, sh’acatsa s’planga…<\/p>\n
-Muma! grii mini…nj’si featsi njila di nasa cum u videam ca plandzi, stai rahati! Ia, tora va negu tu munti sh\u2019va ts’lji aduc tuts acasa.<\/p>\n
-Cuuu lai ficioru ali mumi ! Ashe s’ts-agiuta Dumidza! A s\u2019ti bashi muma, sh\u2019nj\u2019acatsa capu cu \u2018ndauli manji sh\u2019mi bashe tu franti .<\/p>\n
-Ia, easti ‘na mulari atsia tu ubor \u2018nj dzasi muma….s \u2018ts da muma sh’un trastu cu pita sh’na cumata di cashu, sh’na ploschi di apa aratsi.<\/p>\n
Aista muma nu easti dip fudzita di minti dzash mini tu mintea meau.\u00a0 Mi alinai pi mulari sh’ luai calea cata munti.<\/p>\n
Agiunsh tamam candu dipuna soarili sh’ canda vra si s’ascunda dupa una un top di munti.<\/p>\n
Nu dipunai ghini di pi mulari s’nj-ashteru s’macu niheama pita candu, tsi s’nji veada ocljilji ….sh’ nu pistipseamu tsi vedu….Cama \u2018nclo di mini …sum un pom ca uscatu…era un om cu capu’ntrocu sh’ cu cicioarili ‘ndzeana….ma ‘nclo di elu altu…sh’ alts ma’nclo….ore nu pistupseam tsi videam….\u2019nj fricam ocljlji ma tut atsa videam …una paduri di oaminji cu capu’ntroc sh’ cu cicioarli ‘ndzeana…dzashu ca naca li videam ashe di foami… ma era tuti di alihira..<\/p>\n
Ore, mi sculai di aco di iu iram, mi aprucljai di protu tsi era sum pom…sh\u2019u’l trapsh di cicioari di scoasi capu din ‘ntrocu…<\/p>\n
-Ore cari esti tini di mi carteshti? antriba omu..<\/p>\n
-Ore tsi fats atsia? antribai mini cu nipistupseari ca tsi videamu…<\/p>\n
-CAFTAM RADZATINJI…dzasi elu …Avem aua di cama di dau njilji di anji tsi caftam radzatinji…sh’ aflam multi ma nu shtim cari sunt atseali bunili…<\/p>\n
-Ore, Crishtine, dzashu mini, tsi li vrei radzatinjili?\u00a0 Ia, amu mini pita …trastu easti \u2018nplin di pita di la muma Vanghea.<\/p>\n
-Ore, nu caftam radzatinji ti macari…caftam radzatinjili a noasti di la straaushi, ca tricura cama di dau njilji di anji sh’ninga nu li shtim radzatinjili ; s’ amisticara cu alti radzatinji sh’ nu li udusim dotu …<\/p>\n
Candu avdzai tsi dzasi…cadzui \u00a0niheama pi minduiari\u2026<\/p>\n
-Asculta aua! dzash mini, mini vinju s’va dzacu ca shtiu iu sunt radzatinjili. Acljiam’lji tuts nicuchirilji s’dipuna tu hoara …Va’s va-ashteptu la bisearica…<\/p>\n
Ancalicai pi mulari sh’mi turnai tu hoara sh’ chindurii la bisearica.<\/p>\n
Candu agiunsh la bisearica ira ca piscutidi…Videam stealili cum acatsara\u00a0 s’chindiseasca tserlu cu lunjnji… alti ma mari alti ma njits sh’ canda tuti \u2018nj fatseau cu oclju..<\/p>\n
-Nu-am oara mini ti voi tora, dzashu mini taha zburinda cu eali, va’s-fatsem muabeti altoara!<\/p>\n
Intrai nuntru tu bisearica sh’ ts’nj vidzura oclilji nu pistupseam…Tuta bisearica ira amplina cu tseri apreasi…<\/p>\n
Ore cai li apreasi aisti tseri…? Cai li tsani apreasi? dzash tu mintea meau cu ciuduseari\u2026.sh’cum shideam ashe chirut tu minduiari…avdzai una boatsi… ma tsi boatsi… ore canda \u2018nj bumbunidza Dimidzalu tish in capu…Ore mi tricura sudarili pi tuti partsili…sh’inima s’nj s’asparga tu cheptu di ahanta bateari..<\/p>\n
-Cari eshti tini atsia? canda bumbunidza \u2018na boatsi tu urecljli a meali; sunt cama di dau njilji di anj di candu nu baga varu cicioru tu aista bisearica!<\/p>\n
Tora mini tramburam niheama ca nu videam var tsi zbura; avdzam mash aista boatsi …Mutream di avigara s’vedu cai greashti ma videam mash aumbri tsi canda s’avinau cand pi un mur cand pi alantu…<\/p>\n
-\u201cFa-ti gioni! Fa-ti gioni! Fa-ti gioni!\u201d grii mini cata mini!… ca\u2018nj vinira tu minti zboarili al papu…<\/p>\n
-\u201cFicioru-al papu, \u2018nj dzatsea elu sh\u2019mi giuca pi dzinunclji.\u00a0 Cashti di ts\u2019intra frica vloara , di itsido, s’dzats di trei ori: fa-ti gioni!<\/p>\n
Ore, sh\u2019cu mintea la zboarili al papu dzashu\u201d fa-ti gioni \u201cdi trei ori, sh\u2019ca pit minuni \u2018nj fudzi frica. Mi feciu gioni sh\u2019 nj\u2019u feciu boatsea ma ahandoasa sh’grii:<\/p>\n
-Ore, cai greashti? Iu eshti ca’s ti vedu? Cari esti tini? Tsi cafts aua tu bisearica?\u00a0\u00a0\u00a0\u00a0\u00a0 \u00a0-Mini escu preftu Vasili! dzasi elu, ma ninga nu’l videam. Escu preftu di cama di dau njilji di anji tu aista hoara, ma nicuchirilji fudzira tu munti ca s\u2019cafta RADZATINJILI, sh’mi alasara aua ca s\u2019mutrescu bisearica.<\/p>\n
\u201cMari ciudii tsi s\u2019fatsi\u201d\u2026dzatseam mini tu mintea meau\u2026Muma mutreashti hoara sh\u2019preftu bisearica\u2026sh\u2019alants nicuchiri cafta radzatinji\u2026<\/p>\n
Candu avdzai ca easti preftu ali hoari canda mi harasii niheama sh’lji grii:<\/p>\n
-Ama iu eshti? \u00a0Yinu s’ti vedu!<\/p>\n
-Lai ficioru, dzasi preftu, mini murii di multu…mash boatsea aramasi di mini! Murii di foami, ma boatsea neadzi ninga! Biricheavits! Boatsea\u2019nj neazdi di cama di dau njilji di anji.<\/p>\n
Candu avdzai aisti zboara…giunamea meau di la papu s’tuchi di dipu! \u00a0Acatsai napoi s’trambur…Mini tu una bisearica goala…cu njilji di tseri apreasi…cu aumbri \u00a0tsi s’avinau pi mur…cu una boatsi tsi canda bumbunidza..una boatsi tsi zbura cu mini..! \u201cBo. Bo, Bo…iu agiunsh mini?\u201d \u2018nj-dzatseam tu minti,…ma dzashu napoi di trei ori: fa-ti gioni!<\/p>\n
-Ore prefte, ma catse murishi di foami? Ia, easti una muma atsia tu hoara. Anjia nj’ul umplu trastu di pita.<\/p>\n
-Ah! dzasi boatsea, vahi dzats ti muma Vanghea. Lai ficioru, muma Vanghea si spigiura s’nu calca tu bisearica di candu\u2019 lj supsi capra.<\/p>\n
-Ore, tsi ari a s\u2019faca capra cu tini sh\u2019cu bisearica, dzashu mini ciudusitu.<\/p>\n
-Atsa capra, dzasi preftu, s’landidza, sh’muma Vanghia \u2018nj gri s’negu cu carutsea taha s’u facu ghini! Neshu mini s’vedu capra, u ghivasii, feciu carutsea…ma digeaba…capra mi mutrea tish canda eram var tsapu fudzitu di minti sh\u2019pan\u2019 tu soni supsi; sh’di atuntsea muma Vanghea nu vra s’mi veada.<\/p>\n
Nitsi nu bitisi preftu isturia cu capra, candu usha di la bisearica s’discljisi…sh’cai s’vedu tu pragu di bisearica…? Ira muma!<\/p>\n
Muma shidea tu pragu di ushi ma nu baga cicioru tu bisearica…S’videa ca ira ca aspumata sh’adiljia ca greu\u2026<\/p>\n
Candu u vidzui, mi lo haraua ca ved un om\u2026ca di atsa boatsi mi-avea loata lahtarea\u2026sh’mi silighii cata nasa.<\/p>\n
-Muma, muma! aurai mini cu harau, cum di vinish aua?<\/p>\n
Mutri cata mini ma nu putea s’scoata var zbor. Adiljia ninga cu greu\u2026Mi lo di mana sh’mi trapsi n’afoara dit bisearica…<\/p>\n
-Lai ficioru a li mumiii! mizi gri nasa sh\u2019mina manjili canda vrea s\u2019s-zburasca cu eali\u2026 S’toarna nicuchirilji dit munti! sh\u2019pan\u2019 s’nj- adun mini mintea\u2026 ca nj-avea fudzita di dipu aco nuntru tu bisearica, muma cadzu ‘mpadi ca vara pita nifapta.<\/p>\n
-Muma, muma! grii mini sh’acatsai taha s’u scolu…ma nasa ici\u2026ira dusa..<\/p>\n
-\u201cOre tsi s\u2018nji facu?\u201d, sh \u2018nji vini tu minti s’negu s’lji grescu a preftui Vasili. Mi silighii cata usha di la bisearica, ma dapoia \u2018nj vini tu minti ca aco ira mash boatsea tsi bumbunizda\u2026 Chindurii asparatu sh’mi turai cata muma\u2026<\/p>\n
-\u201cOre ts’nj patsai!\u201ddzashu mini sh’mi loara napoi sudarili…<\/p>\n
Mi -aplicai niheama sh’u batui muma pi fatsa ca sh\u2019cum sh’bati vintu primuveara frandzili\u2026sh\u2019mash catu tricu niheama di oara \u2026.sh’acatsa muma s\u2019sh mina ocjljli.<\/p>\n
-Tsi\u2019nj vedu ashe ca steali!..mizi s’uschira muma…Ore \u2018nj vinea s’plangu di harau cadu \u2018lji-avzai boatsea. Nu shtiam catse, ma nji si alichi mult inima di aista muma.<\/p>\n
-Muma! Sunt steali di’alihea! dzashu mini..mash ca tini erai fudzita niheama ca s’li vedz cama ghini… sh’ bagai budza pi aradeari…Eshti ghini ? \u00a0u-antribai mini sh’u agiutai si’s-baga pi cicioari.<\/p>\n
-Ghini escu, ma nu’nj eram fudzita iuva! \u2018Nj vini niheam ca milii, ca \u2018nj-escu moashi ma, ghini escu! Ti vidzu muma ca tratseai calea cata bisearica sh’ vinju cuampatra s’ts dzacu ca dipuna nicuchirilji, sh’ teasi mana sh’ deadzitu mutritoru cata dzeana di munti…<\/p>\n
Mutrii sh’mini cata aco…ore sh’tsi s’vedu? Una ralu di lunjnji canda cura dit munti tamam cata hoara…<\/p>\n
Mutream sh’mi ciuduseam di mushuteatsa tsi u videam…Mutrii cata steali…mutrii napoi ralu di lunjinji…ore s’videa ca sh’cum dipunara stealili dit tseru…sh’luara calea cata hoara…Nj’s-parea ca iram tu’n yisu..<\/p>\n
Muma, vahi mi vidzu ca eram ca chirutu sh’ dzasi:<\/p>\n
-Uh, s’tsi faca muma! Tsi eshti ashe ca fudzitu? Ia! atselji sunt nicuchirilji tsi dipuna muntili… Cati sh’ unu poarta ‘na tseara apreasa ‘ntru mana…<\/p>\n
Mini eram ninga chirutu tu atsea mushuteatsa di lunjnji…ma u-antribai cu boatsea ciudusita:<\/p>\n
-La muma! Cum di danasira atseali tseri cama di dau njlji di anji?<\/p>\n
-Uh, s’tsi faca muma! gri nasa, sh’acatsa si’sh andreapta padyeaua ca era ca shutsata di la atsa cadeari…Atseali sunt tseri armaneshti! Nu s’astingu vloara putes…! TSEARA ARMANEASCA NU S’ASTINDZI VLOARA ! bumbunidza boatsea li mumi ma laiu ca atsea a preftui, sh\u2019mutrea cata zeana di munti\u2026 sh\u2019ocljlji canda lji si-apreasira ca dau tseri. Nitsi n-apuca chealea s\u2019nji si faca ca di cacotu\u2026 candu muma \u2018sh tura fatsa cata bisearica sh\u2019aura\u2026\u201dsh\u2019nitsi BOATSEA ARMANEASCA NU CHEARI VLOARA\u201d sh\u2019napoi lji si-apreasira ocljilji ca dau tseri. Nitsi nu bitisi zboarili muma ca s\u2019avdza una ca bumbunidzari tsi vinea di cata nuntru di bisearica\u2026.sh\u2019una ca lunjina, tsi mi urghi, ishe pit firidz\u2026.\u201dVahi anyie preftu\u201d dzashu mini tu minti\u2026sh\u2019napoi mi luara sudarili\u2026\u201dfa-ti gioni\u201d dzash di trei ori\u2026<\/p>\n
Mutream muma sh’nu pistupseam tsi avdzam …tsi videam\u2026tsi nu videam\u2026 Discljishu gura s’dzacu tsiva ma armashu cu ea discljisa…<\/p>\n
-Curbani muma! dzasi nasa, cu una boatsi dultsi, canda cat s-avea sculata dit som, ancljidi-u gura s’nu aratseshti ca bati liva aratsi…<\/p>\n
“Moashi, moashi ” dzash mini tu mintea meau..”ma shtii di li ticaneashti..”.<\/p>\n
Ma, dzasi ghini muma. Batea una ca liva aratsi di cata munti….ma tsi ciudii…acatsai s’avdu zboara…canda li purta vintu sh’li dipuna tu hoara ca una carvani tsi\u2019sh dipuna agalea ghiumili anplini di lapti…<\/p>\n
S’avdza ca un canticu …eeeeeee…sh’cum shideam ashe cu urecljli pi vintu… mi\u00a0 agudi una pala sanatoasa tish tu ureacljea di n’andreapta \u00a0sh’ nj dipuna una cumata di canticu…<\/p>\n
\u201cEeeeeeee\u2026Oh, la steauo, moi catu banash,<\/p>\n
Dza’nj straaushilji iu lj’angrupash?<\/p>\n
Voi s’li duc niheama apa,<\/p>\n
S’lj-antrebu moi, cai mi- ar blastamata!”<\/p>\n
Eeeeeeeee….\u201d<\/p>\n
Nu bitisii ghini s\u2019aduchescu zboarili ca mi agudi napoi ‘na pala sanatoasa di vintu tish tu ureacljia di n’astanga sh’ nj dipuna ninga ‘na cumata di canticu…<\/p>\n
\u201cEeeeeee\u2026Oh, la steao du’nj mi napoi<\/p>\n
La amelji munts sh’ la ameali oi<\/p>\n
Aco iu sh’ Alexandru s’featsi<\/p>\n
Si’lj duc sh’ alui ‘nheam apa aratsi…!”<\/p>\n
Eeeeeee\u2026\u201d<\/p>\n
Ore, nj’deadari lacranjli sh’ nj’ascunsh fatsa s’nu mi veada muma ca plangu…ma muma mi-aduchi, mi lo’mbratsa, nj’ashtearsi lacranjili cu palmili a ljei crapati di chiro… sh’nj dzasi:<\/p>\n
-Tini ficioru a li mumi eshti mult durut ficioru… sh\u2019mi bashe pi franti.<\/p>\n
Tora, canda u vream muma …canda nu u vream..Mintea \u2018nj ira dip amisticata ca tartsili tsi li amistica papu di li dadea la pravds.<\/p>\n
-Muma, dzash mini, tora ca s\u2019toarna nicuchirilji, fudz acasa\u00a0 s\u2019badz chirchelu s\u2019fats pita\u2026Mini va\u2019s\u2019lj-ashteptu aua la bisearica. Fudzi muma cata casa.<\/p>\n
Mini mutrii cata usha di la bisearica, feciu carutsea sh\u2019intrai \u201dTsi s\u2019hiba s\u2019hiba\u201d dzashu mini\u2026\u201dVa\u2019s-negu ninti..\u201d<\/p>\n
-Iu eshti prefte? grii mini mutrinda di avigara\u2026Tserli irau tut apreasi, ma lunjina lor era cama yiulucioasa\u2026Aumbrili canda s\u2019tuchira tu lunjina\u2026sh\u2019videam murili canda sh\u2019purtau cu fala frestsali cu Sfints\u2026Tish tu analtu mutrea cata mini Hristolu\u2026<\/p>\n
-Aua escu, avdzai \u2018na boatsi\u2026ama alta soi di boatsi, ma dultsi, ma aprucljiata…Ghini vinish tu bisearica!<\/p>\n
Ore, aramash cu capu\u2019nzeana sh\u2019nj tricu una ca furnicatura dit capu pan\u2019 tu cicioari\u2026Era tish canda\u2019nj grea Hristolu.Vream s\u2019nj-aplecu capu ma nu puteam\u2026canda mi tsinea Hristolu spindzurat di oclji-a lui\u2026<\/p>\n
-Nu ti-aspari gione! Mini escu! Preftu Vasili! Fa carutsea sh\u2019mutrea cata aua, cata altaru. \u00a0Feciu carutsea sh\u2019canda mi silighi Hristolu sh\u2019mutrii cata altaru.<\/p>\n
Ciudii, ciudii..sh\u2019napoi ciudii! Ma aista era MINUNI! Videam n-andreapta di altar unu dialihea preftu\u2026Mutrea dip ca aush. S\u2019videa ca l\u2019u-avea calcata sh\u2019batuta ghini pricili a chirolui \u2026Ore, di cati ori mi-acatsara sudorili di candu vinju tu aista hoara\u2026ca tora mi-acatsara napoi\u2026silighii di pi mini vara tsintsi kili\u2026<\/p>\n
-Ama, tini canda \u2026.acatsai mi s-grescu, ama preftu nj\u2019ul-curma zboru\u2026<\/p>\n
-Aduchescu\u2026dzasi elu, escu tu mintea tau; candu vinish prota \u2026aflashi mash \u2018na boatsi\u2026Atsa boatsi ira a strapapu a melu Vasili\u2026 Mini iram tu munti cu nicuchirilji dit hoara\u2026ma mi turnai ma agonja pi una cali ma shcurta.<\/p>\n
Candu avdzai, gura \u2018nji si discljisi sh\u2019armash mutu\u2026ma elu zbura ninti\u2026<\/p>\n
– Aua, noi u-alasam boatsea di la un la alantu\u2026Atselji tsi s\u2019duc cata Dumidza ,ninti tsi\u2019s ducu, u-alasa boatsea acasa, \u00a0s\u2019na mutreasca casili,horili,biseritsili; u-angrupam omu cu multa tanjii, ma \u00a0boatsea nu lji \u2018u-angrupam\u2026 u tsanem ca \u2018na nastimata..Sh\u2019ashe, boatsea noasta\u2026boatsea armanjlior, nu chiru pan\u2019 tora\u2026baneadza namisa di noi\u2026Nitsi lunjina nu si\u2019astindzi! Ashe easti aua la noi, la armanjilji dit Makidunii\u2026.Sh\u2019atsa boatsi tsi u ai tini, dzasi elu \u2026 nu easti a tau\u2026easti a pap\u2019tu, a tat\u2019u ica ali dadi a tau\u2026ca sh\u2019elji di aua dit Makidunii u-ar luata boatsea\u2026<\/p>\n
Mini, ninga cu gura discljisa\u2026. Nu puteam s\u2019u-ancljidu\u2026Li beamu zboarili a preftui canda beam una cupa cu apa aratsi\u2026.Ma cum shideam di ascultam preftu, canda acatsa bisearica s\u2019trambura\u2026avdzam mulari tsi bateau locu sh\u2019canda s\u2019aprucljiau di bisearica\u2026<\/p>\n
-Agiunsira nicuchirilji! \u2018lji-dzashu mini a preftui, sh\u2019ishei n\u2019afoara.<\/p>\n
Pan\u2019 s\u2019ies mini \u2026bisearica s\u2019anvigara di suti di oaminji \u2026alts ninga pi mulari, alts apucara s\u2019discalica. Una amari di lunjinji u-fatsea bisearica s\u2019yiuluseasca ca vara nastimata tu lunjina di soari\u2026<\/p>\n
-Oaminji bunj! bumbunizda boatsea meau, ca mi-asparai sh\u2019mini di ahanta boatsi tsi aveamu\u2026.ma tora iram anvitsatu cu tuti ciudiile tsi li tracui \u2026.\u201dvahi aista easti boatsea tsi nj\u2019u alasara straaushilor a melji, sh\u2019 ia, aza ishe tu padi\u201d, dzash tu mintea meau\u2026Turara tuts capitili cata mini\u2026.Tsi videam tora, li pistupseam tuti\u2026 Tuts nicuchirilji, ahants cats videam, aveau tu franti una ca\u2026 carutsi di lunjina\u2026\u201dAtsa va\u2019s hiba lunjina armaneasca di cai zbura preftu\u201d dzash mini tu minti.<\/p>\n
-Ore ni\u2019acljimash s\u2019ni dzats iu sunt radzatinjli a noasti? gri omu tsi\u2019u\u2019l scosh protu cu capu di\u2019ntrocu. .<\/p>\n
-Cum tsa easti numa? mi-antriba elu sh\u2019teasi mana cata mini\u2026Candu nj\u2019u teasi mana, canda s\u2019teasi una radzatina cata mini\u2026U-avea mana ca lai sh\u2019ca chiuturoasa..ma, \u2018lji dzash a li minti ameau s\u2019sta rahati.\u00a0 \u2019Lj u dedu mana sh\u2019dzash..<\/p>\n
-Custandini mi-acljiama\u2026dada fapta Pleasa di \u2018 ndzeana sh\u2019 papu Curceau\u2026<\/p>\n
-Ore di-anostu easti!, aura elu cata tuts alants.<\/p>\n
-Ghini vinish Custandini tu hoara noasta. Io escu Yiorgu.\u2026ma mults di noi sunt gramustenji ma avem tu hoara s\u2019farshirots. Tuts una soi himu! Ma ia, dipunam s\u2019ni spunji iu sunt razatinjili? Li-aduseshi tini? Spuni-ni ca adasta suflitu a nostu s\u2019shtim iu sunt angrupati\u2026.Li caftam di cama di dau njlji di anji\u2026<\/p>\n
-Frati Yorgu, grii mini …ghini dzats ca tuts una soi himu\u2026ca mash una radzatina avemu tuts\u2026ashe cum pomu \u2018sh-ari \u2018na radzatina sanataosa tsi fatsi njliji di dedz\u2026ashe \u2018sh noi\u2026noi himu dedzali\u2026<\/p>\n
– Io, nu escu deaga! \u2018nj-u\u2019l curma unu zboru \u2026unu tsi ninga shidea pi mulari sh\u2019acatsa s\u2019arada\u2026sh\u2019acatsara tuts s\u2019arada\u2026Mini mutrii cata nasu sh\u2019oclilji nji si featsara ma lai decatu lji-am.<\/p>\n
-Haidi more\u2026 aesta easti mash \u2018na shacai,dzasi \u201cdeaga\u201d sh\u2019vini di\u2019nj lo mana. Io, escu Hronciu, dzasi elu, sh-tsanu \u2018na farshiroata\u2026fatsi cama buna pita dit hoara. S\u2019yini pi la noi s\u2019ti fanateshti!….Catu bitisi elu zboru sh\u2019 s-apruclje ninga unu di mini\u2026 \u2018nj lo mana sh\u2019dzasi:<\/p>\n
-Mini escu Tanasi, farshirotu\u2026sh\u2019tsanu \u2018na gramusteana\u2026nu u-antreatsi vara la giucari\u2026sh\u2019mini\u2019na \u201cdeaga \u201cescu\u2026dzasi elu\u2026<\/p>\n
-Ore, cum yini aesta, gri Yiorgu\u2026ca nu duchescu\u2026Ma avem mash \u2018na radzatina catse caftam radzatinji? Lipsea s\u2019caftam mash una\u2026Va s\u2019era multu ma licshoru s\u2019u aflamu\u2026sh-atsa radzatina sanatoasa cum na-spunji\u00a0 tini, iu easti?\u2026E! E! iu easti, grira sh-alants n\u2019coru\u2026Mini \u2018lji mutrii tuts cu achicaseari..<\/p>\n
-Haidits tu bisearica dzashu mini..? Li discljishu dauli ushi di la bisearica sh\u2019intrara. S\u2019umplu bisearica\u2026<\/p>\n
-Mutrits \u2018ndzeana! dzashu mini.Tsi videts?<\/p>\n
-Tsi\u2019s videmu, dzasi Yiorgu,ia, Hristolu\u2026.canda ni veaglji\u2026<\/p>\n
-Hristolu a cui ira? antribai mini\u2026<\/p>\n
-A Dumizda, grira tuts n\u2019coru\u2026.<\/p>\n
-Omu, cai u\u2019l featsi, antribai mini\u2026.<\/p>\n
-Dumidza u\u2019l featsi\u201d grira tuts \u2018ncoru\u2026Suflitu di la Dumidza lu-avem, \u00a0avdzai sh\u2019boatsea preftui..<\/p>\n
-E heee\u2026 grii mini cu boatsea ma ahandoasa. Atselu suflitu tsi ni\u2019u\u2019l deadi Dumidza \u2026easti radzatina noasta\u2026atsa tsi u caftats voi ntrocu… Radzatina s\u2019u caftats tu suflitu, ca aclo easti\u2026.sh\u2019noi armanjlji,\u00a0 mash una radzatina avemu..un suflitu \u2026suflitu armanescu\u2026Himu ligats un di alantu sh\u2019ti atsa na vremu ahantu\u2026Vrearea armaneasca easti mash una\u2026<\/p>\n
Cictasira tuts\u2026Nu zbura var\u2026mash lunjilji di tseri s\u2019avdzau cum tucheua tseara\u2026Yiorgu, tsi shidea dip ninga mini, sh\u2019dusi mana dupa capu sh\u2019si-scarchina canda l\u2019u-maca vara bubulica\u2026<\/p>\n
-Ore\u2026 Io, tut nu duchescu! Io, amu suflitu a melu\u2026Hronciu ari suflitu a lui\u2026Frati- nju Mihali, ari suflitu a lui.\u2026Cum yini aesta ca mash un suflitu avemu?<\/p>\n
-Vinits n\u2019afoara tu ubor, dzash mini.<\/p>\n
Tu ubor era pihadea \u2018li bisearitsi. C\u2019ashti di candu era aco, ma apa tut ashe aratsi ira sh\u2019buna ti beari\u2026<\/p>\n
-Hroncio! grii mini, scoati un ghium di apa! \u00a0S\u2019silighi Hronciu sh-ascoasi un ghiumu cu apa. Tuts u\u2019l mutreau ghiumu canda vrea s\u2019u-bea apa cu oclji, nu cu gura\u2026<\/p>\n
-A cui \u2018lj easti seati, antribai mini? \u2026Aurara tuts ca li ira seati di ahanta cali\u2026<\/p>\n
-Tora Yiorgo, ljia ghiumu sh\u2019 bea \u2018niheama apa! Bea Yiorgu apa canda ira una mulari aspumata\u2026<\/p>\n
-Ahi, \u00a0tsi mi fanatii, dzasi Yiorgu, \u00a0ca multa seati \u2018nj-aveamu \u2026sh\u2019lo s\u2019da ghiumu al Hronciu s\u2019bea sh\u2019elu\u2026<\/p>\n
-Nu, nu! dzash mini, bea tini sh\u2019ti Hronciu. \u00a0Mutrii \u00a0Yiorgu la mini ca cictasitu sh\u2019bi ninga niheama \u2026<\/p>\n
-Hroncio, ts\u2019 easti ninga seati? l\u2019u-antribai mini\u2026<\/p>\n
-Ore tsi shacai easti aesta? Crepu di seati, aura elu, sh\u2019deadi s\u2019lja ghiumu s\u2019bea.<\/p>\n
-Nu, nu! Dzash mini, sh\u2019lju chindurii mana tsi\u2019s tindea cata ghiumu\u2026<\/p>\n
-Yiorgo, bea sh\u2019ti Mihali ca sh\u2019a lui \u2018lj easti seati\u2026<\/p>\n
-Ore mi umflai! dzasi Yiorgu, ma bi, cu zori, ninga niheama\u2026sh\u2019 pandica lji si featsi ma mari ca a preftui\u2026<\/p>\n
-Mihale! grii mini\u2026 Ia! Yorgu bi apa tu locu a tau\u2026 ts\u2019 easti ninga seati?<\/p>\n
-Ore crepu di seati! Tsi giocu easti aistu ca s-bea Yiorgu apa sh\u2019tu locu a meu? \u00a0dzasi Mihali ca naritu.<\/p>\n
-Eh, lai oaminji, dzash mini, ashe easti sh\u2019cu suflitu\u2026Cathi sh\u2019un ari sufiltu a lui, ca sh\u2019cum cathi sh\u2019un sh\u2019ari putiru a lui \u2026ma tuts u-bem apa di la aesta pihadi\u2026.una pihadi\u2026unu suflitu\u2026una radzatina\u2026<\/p>\n
– Eheeee\u2026 s\u2019ciudusi Yiorgu\u2026tora duchescu cum easti cu suflitu sh\u2019cu radzatina\u2026. Lji-u teasi ghiumu a Hronciu sh\u2019dzasi\u2026<\/p>\n
-Ia Hrociu ghiumu\u2026bea dit suflitu a meu…ca unu easti\u2026Dapoia s\u2019tura cata mini dzasi:<\/p>\n
– Voi s\u2019t-antreabu nica una\u2026.naca shtii iu easti angrupat Alexandru a nost..atselu Marili, ca vream si\u2019lji dutseam sh\u2019alui niheama apa aratsi\u2026<\/p>\n
-Shtiu, dzash mini, cu boatsi ahandoasa<\/p>\n
Cictasira tuts. S\u2019avzdau mash adaljerili di la mulari. Mutreau sh\u2019eali cata mini sh\u2019canda vrea s\u2019avda iu ira angrupat Alexandru\u2026<\/p>\n
Mini dush\u2019u mana la cheptu sh\u2019aurai: aua easti angrupatu Alexandru\u2026Lu-acatsai Yorgu di mana sh\u2019lju bagai mana pi cheptu a lui sh\u2019lji dzashu: atsia easti angrupat Alexandru!\u2026Dapoia, mi-alinai\u00a0 pi una mulari \u2026mi-analtsai pi cicioari sh\u2019aurai: tora shtits iu easti angrupatu Alexandru a nostu? Ca la un semu\u2026sh\u2019dusira tuts mana la cheptu sh\u2019aurara di s\u2019avdza pan\u2019 tu dzeana di munti\u2026<\/p>\n
-Aua easti angrupatu Alexandru! Tu suflitu a nostu!<\/p>\n
\u201cEheee\u201d..sh\u2019minau niscants capitili\u2026\u201dmultu gioni easti aistu ficioru\u201d\u2026 Catu dipunai di pi mulari sh\u2019s\u2019apruclje preftu di mini.<\/p>\n
-Ore ti vedu ficioru ca tinur, \u2018nj dzasi \u00a0elu. Cats anj adunash\u2026?<\/p>\n
-Cama di dau njilji di anji, aurai mini. Acatsara tuts s\u2019arada\u2026Sh\u2019cum aradeam tuts ashe\u2026ore cara vini \u2018na njurizma di pita\u2026ore ma tsi njurizma\u2026<\/p>\n
-Pita s\u2019featsi! avdzai boatsea li mumi\u2026sh\u2019tradzea dupa nasa \u2018na mulari \u2018ncarcata cu vara dzatsi trasti di pita\u2026.\u201dMi-agiuta sh\u2019ts-al Mihali\u201d gri nasa\u2026sh\u2019acatsa s\u2019poarta trasturli cata noi\u2026\u201dGioni muma\u201d dzashu mini s\u2019avda tuts\u2026<\/p>\n
-Custandin! \u2018nj gri Yiorgu\u2026Tsi-adaram cu ghiumu di apa, nu putem s\u2019adaram sh\u2019cu pita\u2026?… S\u2019macu mini sh\u2019ti Hronciu, sh\u2019ti Mihali\u2026.ca pita pot s\u2019macu ti tuts\u2026 Acatsara tuts s\u2019arada\u2026<\/p>\n
-O la muma, di tsi easti pita? antriba preftu sh\u2019canda tradzea pit nari njurizma di pita\u2026<\/p>\n
-Di \u201cRADZATINJI \u201c gri muma\u2026Ore cara parnjimu s\u2019aradem \u2026macam pita sh\u2019aradeamu\u2026.<\/p>\n
-Ore nu pistupsescu ca macu \u201crazdatinji\u201d \u2026dzasi Mihali\u2026Ore, ma mult aradeam di tsi macam pita\u2026<\/p>\n
-S\u2019nu vi s\u2019acatsa! aura muma, sh\u2019aradea..aradea\u2026pana lj\u2019s\u2019acatsa a ljei\u2026<\/p>\n
Ore macam pita sh\u2019arasem pan tu apirita\u2026<\/p>\n
Sh\u2019dzua di aza ninga arademu sh\u2019macam pita…ca pita sh\u2019vrearea armaneasca nu s-bitisescu vloara!<\/p>\n
Mai 21, 2010<\/p>\n","protected":false},"excerpt":{"rendered":"
Radzatinji di Custandini (Dini) Trand Ore \u2018nji dzasi dada di ahantu chiro s’negu s’ved horili dit Makidunii… Dupa vara trei dzali di cali agiunsh tu una hoara ashtirata pi una dzeana di munti… Muntream n’astanga…n’andreapta …nu videam var lai omu…hoara dip far di oaminji…Ore, iu s’hiba aici oaminji dzash mini tu mintea meau..? Ma nitsi […]<\/p>\n","protected":false},"author":1,"featured_media":0,"parent":2,"menu_order":5,"comment_status":"closed","ping_status":"closed","template":"","meta":{"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"footnotes":""},"class_list":["post-247","page","type-page","status-publish","hentry"],"yoast_head":"\n